جدد المستشار مرتضى منصور رئيس نادي الزمالك، طلبه بالجلوس مع المسؤولين في النادي الأهلي في مكتب وزير الشباب والرياضة الدكتور أشرف صبحي، بالإضافة إلى بعض الأندية التي تمتلك أموالا من أجل الاتفاق على عدم التعاقد مع اللاعبين من هذه الفرق وأن يكون هناك سقف للتعاقدات.
وقال مرتضى منصور خلال تصريحاته له من خلال مقطع فيديو عبر الصفحة الرسمية له على موقع التواصل الاجتماعي فيسبوك: ” أنا خدت براءة وراء براءة وراء براءة ومحامي الكابتن محمود الخطيب اتحبس .. وبقوله تعال نحط ايدينا في ايد بعض عشان البلد من فضلك .. تعال نقعد في مكتب الوزير ونجيب الأندية التانية اللي عندها فلوس ونعمل بروتوكول مناخدش لاعيبة من بعض سنتين ثلاثة ونحدد أسعار اللاعيبة”.
وأضاف رئيس نادي الزمالك: “البلد مش ناقصة مرتضى والخطيب البلد عايزة تفرح بينا .. رئيس الجمهورية مش ناقص نبدأ صفحة جديدة عشان الراجل التعبان 24 ساعة .. البلد مش ناقصة الأهلي والزمالك .. انسى الناس اللي عايزة توقع بيني وبينك، وأنا مستني بيان يطلع من النادي الأهلي قدام مصر كلها يطلع على هذه المبادرة زي ما الدولة كلمتني وقولت مفيش أي مشكلة وأنا من مركز قوة”.
مرتضى منصور يوجه رسالة لسيد عبد الحفيظ
ووجه مرتضى منصور رئيس نادي الزمالك رسالة إلى سيد عبد الحفيظ الذي رفض السلام عليه خلال تسلم ميداليات المركز الثاني من بطولة كأس مصر، ورفضه من قبلها المرور داخل الممر الشرفي الذي نظمه لاعبي نادي الزمالك، حيث قال في تصريحاته “أنا رئيس أكبر نادي في أفريقيا والوطن العربي وأنا عارف أنا بقول ايه .. شرف ليك تسلم عليا يا عبد الحفيظ .. كل جماهير الأهلي استنكروا موقفك”.
وأضاف: ” مستنيين قرارك يا كابتن بيبو بخصوص حركة سيد عبد الحفيظ في الممر الشرفي .. المشهد أساء للرياضة المصرية وقبلها النادي الأهلي .. قبل ما تعاقب اللاعيبة اللي أنت السبب في اللي حصلهم عاقب عبد الحفيظ زي ما أنا عملت مع مدحت عبد الهادي وأمير عزمي مجاهد”.
وواصل منصور هجومه على إدارة النادي الأهلي حيث أضاف: “مرتضى منصور رئيس نادي الزمالك : احنا نادي المبادئ والقيم .. احنا اللي بنرسي المبادئ .. وفي ناس هتضيع المبادئ اللي عملها صالح سليم ومرتجي ومحمود طاهر”.